الحاج ابو محمد ومزراب السطح نسيب حطيط
صباح. امس الباكر ...والشمس لا تكاد تغسل وجهها ..احدهم يطرق بوابة البيت الخارجية ..فتحت الباب واذا بجارنا الحاج ابومحمد..يقول ..يادكتور ..#لا_تواذخني.. يمكن فيقتك بكير ..بس #مزراب_السطح. .مسكر..وعم يدلف لجوا البيت..وانا والحاجة..ما فيناش...ممكن ..تساعدنا ..وتفتح المزراب...الدنيا #غدرتنا ..بالشتي..
قلتلو اهلا وسهلا..بس لجيب سلم والبس ..
انا وعم اشتغل..ضل يعتذر ويبرر .ويلعن هالاحوال.ويحكي ويقول..
معش في حدا بالبيت ..محمد بتعرف انو استشهد من زمان..وخيو علي ..انت بتعرف وين وبصوت خافت .#فيناش_نقول_وين...يللا... الله يحميه..وحسن سافر ..وفاطمة تجوزت عاضيعة تانية ..معش في حدا الا انا وهالختيارة يا حرام بتضلها مريضة ..وبتبكي..!
فتحنا المزراب .. مشي الحال ..والحاج ابومحمد ..بيعتذر وبيشكر..ويقول يادكتور الله يرحم اهلك. ما تتضايق بخاف قول لحدا غريب ونحنا لحالنا ...
قلتلو ياحاج..اعتبرني الشهيد محمد وواحد من ولادك...عندك ولدين عم يضحوا لنكون بامان...الله يلعن اللي ما حفظوا اللي حصدناه..
جهجهت الدنيا ..وقف الشتي ..وطلعت الشمس ...وقعد الحاج والحاجة عامصطبة البيت ؟#يتشمسوا..مع ختايرة الحي...
فتحنا مزراب السطح
.#من_يقفل_مزاريب_العيون...#المحرومة_والمُستضعفة_والمظلومة..!